-
18 Urr, 2021
Parte hartu bozkatuz ingurumenarekin zerikusia duten proiektuak 2022ko presupostuetan sar daitezen
Datorren asteartera arte, hilaren 19ra arte, Basauriko 2022ko Aurrekontu Parte-hartzaileetarako proposamenak bozkatu ahal izango dira.9,10,12 eta 2 eta 1 proposamenak aukeratzea proposatzen dizugu, kontsumoarekin, osasunarekin eta ingurumenarekin lotuta baitaude.
Online egin dezakezu web honen bidez: ados.basauri.eus edo aurrez aurre Kultur etxeetako postontzietan, Udal euskaltegian, Marianean, Artunduagako kiroldegian eta Udaleko eta San Migeleko HAZetan. Metroaren sarreretan eta Hernán Cortés plazan (San Miguel) jarritako postontzietan ere egin dezakezu.
Sagarrak- Ekologistak martxan taldeak 10 proposamen aurkeztu zizkion ekimen honi, gure udalerriko kontsumoarekin, mugikortasunarekin, birziklapenarekin eta arblolen landaketarekin eta baso autoktonoaren berreskurapenarekin lotuta.
•Urte luzez eskatzen aritu ondoren, hondakinen murrizketari eta materia organikoaren birziklapenari buruzko kanpaina garrantzitsu bat egitea lor dezakegu (9. proposamena), materia organikoaren bilketa orokortzeko eta Europar Batasunak 2025erako ezarritako birziklatze-helburuetara hurbiltzeko.
•Hiru proposamen egin genituen baso-berritzeari, erriberako basoa berreskuratzeari eta ingurumen-hezkuntzari buruz. Proposamen horiek 10. proposamenean bil daitezke.
•Pertsonen neurrira (atseginagoa, seguruagoa eta osasungarriagoa) herri baterantz joatea gure beste proposamen bat zen, gure ustez 12. proposamenean (udalerriko bide-segurtasuna hobetzeko esku-hartzeak) jasota egon daitekeena.
•Interesgarriak iruditzen zaizkigu 2. proposamena (hurbileko merkatu bat sortzea) eta lehenengoa (udal-eraikinetan eguzki-panelak handitzea).
Amaitzeko, prozesu osoa hobetu behar dela uste dugu, herritarrek egindako proposamenei buruzko informazio gehiago izan dezaten eta, beraz, irizpide gehiagorekin erabaki ahal izan dezaten.
AZKEN ALBISTEAK
-
- Undabasoko jaio eta hazten ari den baso handia bisitatu dugu.
- 06 Maiatza, 2024