-
12 Aza, 2023
Sagarrak elkarteak erriberako basoaren baso-berritzeko jardunaldian parte hartzera deia egin du.
Talde ekologistak datorren larunbatean, hilak18, goizeko 9:30etatik 13: 30etara Ibarretako ibarrean (Artunduagako zubiaren ondoan) egingo den jardunaldian parte hartzeko deia luzatzen du.
Basauriko Udalak antolatu eta Lurgaia fundazioak koordinatutako jarduerak Sagarrak taldeak 2022ko aurrekontu parte-hartzaileei egindako proposamenari erantzuten dio. Jardunaldi honetan, iaz egindako lanari jarraipena emango zaio, ibaiertzeko basoko berezko zuhaitz- eta zuhaixka-espezieak landatuz (sahatsak, haltzak, lizarrak...) eta espezie inbaditzaileak kenduz (panpa-lumategia, Japoniako fallopia, tximeleten zuhaixka...).
Parte hartu nahi baduzu, azaroaren 15a baino lehen eman izena helbide honetara mezua bidaliz: info@lurgaia.org
Mezuan izen-abizenak, parte-hartzaileen adina eta telefono-zenbaki bat adierazi beharko duzu.
Atxikitutako artxiboan Sagarrak eginiko proposamema irakur dezakezu.
AZKEN ALBISTEAK
-
- Erriberako basoa eta landare inbaditzaileak gure inguru hurbilenean.
- 15 Maiatza, 2024
- Bertoko basoaren landare jangarri eta osasungarriak
- 14 Maiatza, 2024