-
16 Urr, 2023
Nola arnastuko ote dute eskola inguruek?
Adiskide agurgarri horiek:
2023ko martxoan, Basauriko airearen kalitateari buruzko informazioa argitaratu (“Basauriko airearen kalitatea legezkoa bai, baina gomendagarria ez”), eta airearen kalitate-mailari dagokion informazioa zabaldu genuen haren argi-itzalekin batera.
Orduantsu hurrengoko hau galdetu genion gure buruari: Nola arnastuko ote dute eskola inguruek?
Airearen kutsadura-mailak kezkaturik eta arduratuta gaitu. Hezkuntza-komunitate osoak herritarren zientzia hezkuntza eta espiritu kritikoa sustatzea partekatzen du. Arnasten dugun aire hori etxera daramagu, eta haurrak zein gazteak bereziki zaurgarriak dira kutsadurarekiko.
Hori dela eta, Agenda 2030aren baitan, guztiok bat egiten dugu Basauriko ikastetxeetan NO2-aren mapaketa gauzatzeko. Hiritarren zientziari buruzko hezkuntza-proiektuan datza, non parte-hartzaile askoren laguntzari esker, NO2-aren mapaketa bat lortu ahal izango dugu ikastetxe bakoitzean.
Zergatik NO2? Informazio gehiago MITECOren web-orrian:
https://youtu.be/UcV3HGOlyiw?si=Xl5wmtp8elHQqr94
Horretarako, lehenik eta behin, gai hori gure udalerriko ikastetxe gehienek parte hartzen duten Agenda 2030etik landu dugu. Horrez gain, Europako "GreenScent, Smart Citizen Education for a green future” proiektuarekin bat egin dugu (informazio gehiago: https://www.youtube.com/watch?v=UcV3HGOlyiw
Ikastetxeetako irakasleekin gai horiei buruzko prestakuntza-tailerrak burutu ditugu, eta, batez ere, eskola inguruetan airearen kalitatea neurtzea eta kalitate onekoa izatea zergatik den garrantzitsua azaldu dugu.
Haurren eta gazteen biztanleria bereziki da zaurgarria airearen kalitate txarrari dagokionean, ondorio kaltegarriak eraginez haien garapenean, baita arnas gaixotasunen garapenean ere, besteak beste. Pentsa dezagun zein kezkagarria den honako gaia; izan ere, estatu espainolean urtero 30.000 pertsona inguru hiltzen dira aire-kalitate txarrarekin lotutako arrazoei egotzita.
Eskerrak eman nahi dizkiegu, aldez aurretik, urrian eta azaroan dispositiboak jartzen parte hartuko duten ikastetxe guztiei. 2024ko urtarrilean lortutako emaitzen berri ematea espero dugu.
Eta azkenik, bide batez, zuen gaitasunen neurrian laguntzeko eskatzen dizuegu, egunero egiten dugun mugikortasunari buruzko hausnarketa eginez, bai zuen inguruari, bai hurbilen duzuen eskola-komunitateari begira:
Zergatik eta nola mugitzen gara?
Nola mugi gaitezke aire hobea arnas dezagun?
Non dago gure herriko Hiri Mugikortasun Iraunkorraren Plana?
Zergatik ez dago bidegorririk Basaurin? Zergatik ez da lehenesten bizikletentzako espazio egokia ospakizunik ez denean?
Bizikleta gure ibilgailu nagusia bilakatzen den eguna, orduan, izango da ospakizunik onena. (arren, izaera kritikoa!)
Zalantzarik izanez gero, badakizue, laguntzeko prest gaude, eta ongietorria da gurekin parte-hartu nahi duen inor.
www.sagarrak.org /Tfnoa: 613 163 167/ e-mail: ekologia@sagarrak.org
AZKEN ALBISTEAK
-
- Erriberako basoa eta landare inbaditzaileak gure inguru hurbilenean.
- 15 Maiatza, 2024
- Bertoko basoaren landare jangarri eta osasungarriak
- 14 Maiatza, 2024