-
20 Eka, 2022
Edukiontzi marroia: urtebete " ahoa zabalik"
Gure herriko 4790 familiak, guztizkoaren % 29,1ek, bereizi egiten ditugu janari-hondarrak gure hondakinetatik, eta edukiontzi organiko deiturikoan uzten ditugu. 2021eko ekainaren amaieratik, ordura arte giltzaz irekitzen zen edukiontzi hori irekita dago, eta, beraz, mota guztietako hondakinak jaso ditzake. Itxita egoteak eta familia horiek borondatez eta arduraz erabiltzeak hondakin horietatik lortzen den ongarriaren kalitatea ziurtatzen du. Oraindik egin ez bada ere, familia bakoitzaren erabilera kontrolatuko duen irekiera digitala instalatuko da. Urte oso bat ahoa zabalik. Udalak, arazoa lehenbailehen konpondu edo/eta edukiontzi horren erabilera arduratsua sustatzeko kanpaina bat egin beharrean, ez du arazoa aintzat hartu.
Edukiontzi honetan joan den urteko ekainetik abendura bitartean bildutako hondakin kantitateen datuek errealitatea erakusten digute eta adierazitako arriskua adierazten digute. Hilabete horietan, bildutako kopuruak nabarmen igo dira. 2021eko amaierako datuek 2020an baino 82 tona gehiagoko aldea ematen digute. ( ikusi atxekitutako dokumentua)Igoera hori ez da batere logikoa, aldi horretan 66 familia gehiagok baino ez baitute parte hartzen materia organikoaren berreskurapenean.
Urtebete igaro da eta etorkizunerako aurreikuspenak ez dira onak. Itxura guztien arabera, irekiera digitala ez da urte amaierara arte egongo. Udalak bilketa sistema berri honi buruzko informazio kanpaina egin beharko du. Edukiontzietan irekiera digitalak jarri beharko dira eta txartel digitalak familia guztiei banatu beharko zaizkie. Kontrol digital honen berrikuntza materia organikoa berreskuratzen duten familiei hobaria ematean datza, zabor tasak jaitsita.
Sistema hori urtarrilaren hasieratik ezarrita egon behar zen, eta, beraz, udalak aurreztu du aurtengo hobaria: 50.000 euro inguru . Horri "efikazia eta kudeaketa ona" deitzen zaio.