ALBISTEAK

  • 20 Ira, 2021

    Park (ing) Day 2021 Basauriko kaleetara itzuli zen bizikleta publikoa mailegatzeko zerbitzu bat jartzea aldarrikatzeko.

    Pasa den ostiralean, irailaren 17an, Munduko 35 herrialdetan eta Estatuko hainbat herri eta hirietan, gu bezalako pertsonak kalera atera ziren kotxeak aparkatzeko lekuak, denbora tarte batez, parke publikoak bihurtzera. Ekimen sinboliko horren bitartez, gure herrriak eta hiriak eraldatzeko beharraz hausnarketa txiki bat egitera gonbidatu nahi ditugu herritarrak. Posible izan daiteke kotxeen eragina murriztu eta kalea pertsonentzat berreskuratu?.

    Ostiralean "Park (ing) Day" ekimenaren beste edizio bat egin genuen Basaurin, pertsonek eta pertsonentzat pentsatutako hiri-eredua aldarrikatzeko. Basaurin bizikletaz! Lelopean, kalera irten ginen gure herrian bizikleta garraiobide gisa erabiltzea aldarrikatzeko. 40.000 biztanle ditu eta Bilbotik 5 km eskasera dago. Une horretan, gure udalak bizikletaren erabilera bultzatu eta sustatzen du. Beharrezkoa da bizikleta arruntak eta elektrikoak (pedal lagundukoak) mailegatzeko zerbitzu publiko bat martxan jartzea, gure herriaren ezaugarri orografikoei eta erabiltzaileen gaitasunei erantzuteko.

    Basauriko Udalari bizikleta publikoa alokatzeko zerbitzua martxan jar dezala eskatzeko proposamenak harrera oso ona izan zuen bizikleten "aparkaleku" inprobisatura hurbildu ziren herritarren aldetik. Zerbitzu horrek "Basaurin ezinezkoa da bizikletaz mugitzea" askoren buruan dagoen ideia ezabatuko zuen. Bizikletak jaso eta entregatzen diren auzo bakoitzeko gutxienez 2 postu jartzeak zerbitzua emango luke udalerriko auzo nagusietan. Zerbitzua pixkanaka zabaldu ahal izango litzateke gure herria Bilborekin eta Nerbioi Ibaizabala eskualdearekin komunikatzeko. Zerbitzu honen instalazioa ez da zertan udalak bakarrik jasan behar, baizik eta beste hiri batzuetako bizikleta publikoko zerbitzu mota honetan egiten den bezala publizitatearen truke gastuak bere gain hartuko dituen babesle bat bilatu daiteke.

    Bizikleta-zerbitzuak, Basauriko trafikoa baketzeaz gain, atmosferara egiten diren CO2 emisioak eta trafikoak eragiten duen zarata murriztuko lituzke (Basauri da Euskadiko kutsadura-indize altuenetako bat duen udalerrietako bat). Eta, hori gutxi balitz, bizikletaren erabilera sustatzeaz gain, zuzeneko eta zeharkako lanpostuak sortuko lituzke.

    Egin dezagun gure herria bizitzeko leku are atseginagoa, osasungarriagoa eta seguruagoa.



AZKEN ALBISTEAK
SAGARRAK AGENDA

  • Arizko Dorretxea
    Fco. Kortabarria, sn. – 2. solairua
    48970 Basauri - Bizkaia

© Copyright 2015 Sagarrak - Talde Ekologista minimol-ek