-
04 Mar, 2026
Murriztu egin da harrapatzeen eta istripuen kopurua Basaurin 2025ean
Sagarrak Ekologista Taldea- Ekologistak Martxan-ek Basauri leku segurua izatea eta herritarren osasuna eta ongizatea erraztuko dituen mugikortasuna eskatzen du.
Segurtasuna babestea eskubide kolektiboa da, eta ongizate handiagoa, espazio publikorako sarbidea eta ingurumen-osasuna ahalbidetzen ditu.
Talde ekologistak positibotzat jo du harrapatzeen eta biktimadun eta biktimarik gabeko istripuen kopurua murriztu izana 2025ean. Hala ere ezbehar-tasa handiei buruzko kezka mantentzen du, biztanleria antzekoa edo berdina duten beste udalerri batzuetakoena baxuagoa delako. Basauriko trafiko kopuru handia konpondu beharreko egiturazko arazo gisa dela nabarmentzen du talde ekologistak.
Biktimak eragin dituzten istripuak 2025ean 28 izan dira. 2019. urteaz geroztik izan den baxuena da, eta 2024ko maximoaren ondoren, 49koa izan baitzen.
Biktimarik gabeko istripuak ere nabarmen murriztu dira Basauriko Udaltzaingoak partekatutako datuen arabera (90 2025ean eta 166 2024an).
Harrapatzeen kopurua 8 da 2025. urtean, eta 8 harrapatzeak gidariak arreta galduta gidatzeagatik edo arduragabekeriaz jokatzeagatik gertatzen dira.
Kopuru hau onargarria da? Beste herri eta hiri batzuetan bezala, zero istripuren helburua planteatu behar dugu: istripu bat bera ere ez da onargarria eta denak dira aurreikusteko modukoak, “zero ikuspegia”, zer estrategia planteatzen da Basaurin?
Datuek adierazten dute beharrezkoa dela trafikoa lasaitzeko eta udalerrian zirkulatzen duten ibilgailuen kopurua murrizteko neurri sendoekin jardutea, seguruagoa izan dadin. Hona hemen harrapatzeen eta biktimak eragin dituzten istripuen grafikoak:
Iturria: geuk egina, Basauriko Udalak emandako datuetan oinarrituta
Portugaleteko (44.843 biztanle) edo Santurtziko (46.442 biztanle) antzeko edo hortik gorako udalerriekin alderatuta, ikus daiteke Basaurik bi udalerri horietako datuak baino askoz ere handiagoak ematen dituela, baita Getxokoak baino handiagoak ere (75.752 biztanle, biztanleriaren ia bikoitza).
Eusko Jaurlaritzaren trafiko-istripuen urtekari estatistikoaren datuen arabera, 2024an Basauri Portugalete eta Santurtziren bikoitza da, eta Getxo baino 1,7 aldiz handiagoa, Basauriren biztanleriaren ia bikoitza baitu.
Iturria: geuk egina, trafiko-istripuen estatistika-urtekariko datuetan oinarrituta (https://www.trafikoa.euskadi.eus/anuario-estadistico-de-accidentes-de-trafico/webtraf00-content/es/)
Talde ekologistak deitoratu egin du Basauriko trafikoak eragindako ezbehar-tasa handia geldiarazteko neurri sendorik ez hartzea. Azken urteotan mugikortasunari buruz hartutako neurriak aparkaleku-plaza gehiago eta Hiri Mugikortasun Jasangarrirako Plana (PMUS) sortzea bilatzera mugatzen dira. Plan horrek gutxieneko planteamenduak ditu, onartuta eta orain arte “tiraderan gordeta”.
Ikastetxeak ez dira trafikora babesten, eta ez dira PMUSean aurreikusitako neurriak martxan jartzen. Oro har, neurri horiek hain arinak direnez, udalerrian ezbehar-tasa saihesteko gutxi balio dute.
Sagarrak elkarteak mugikortasun jasangarri, seguru eta osasungarriaren aldeko neurri argiak proposatzen jarraitzen du, aurrekoetan bezala. Besteak beste, neurri horien artean daude:
Kaleak oinezkoentzako bihurtzea eta espazio publikoa plataforma bakarreko kaleekin berrurbanizatzea, maila berean.
Basauri zeharkatzen duten egungo ardatzen mozketa
Herri arteko autobusa (Basauribusa), udalerri barruan ibilgailu pribaturik erabili gabe mugitzeko aukera emango duena.
Bizikletaren erabilera sustatzea. Ia ez dago aparkalekurik herrian, ezta bizikleta erabiltzeko pizgarririk ere. Loturarik gabeko bizikleta-pistak ditugu, inora ez daramatenak eta josi egin behar direnak, egunerokoan erabil daitekeen azpiegitura bat izateko.
Bizkaibiziren etorrera aldarrikatzen dugu, atzerapenik gabe, eta bizikletaren erabilera errazteko aparkalekuak eta seinale egokiak jartzea.
30 km/h-ko abiadura-muga betetzea. Gure herria zeharkatzen duten gidarien erdiek muga hori gainditzen dute, dagoen radar informatibo bakarraren datuen arabera.
Udalerri osoan Emisio Baxuko Zona bat ezartzea. Basaurik ez du 50.000 biztanletik gorako udalerria izateko baldintza betetzen, baina kutsadura-maila altuek, Airearen Kalitateari buruzko Zuzentarau berrian eskatzen direnetatik urrun, Basauri osorako BBE baten beharra justifikatzen dute.
Udalean Lanerako Mugikortasun Plan bat egitea, duela 3 urte baino gehiagotik eskatzen duen legea betez, eta administrazio publikoaren ereduzko eginkizuna azpimarratuz
AZKEN ALBISTEAK
-