-
16 Mai, 2025
Plan de Acción contra el ruido Basauri 2025-2029
Basauri, 2025ko maiatzak 16
Prentsarako oharra: Basauriko 2025-21029 zarataren kontrako planari Sagarrak taldeak aurkeztutako alegazioak.
Sagarrak Ekologista Taldeak (Ekologistak Martxan - Ekologistak Martxan) Basauriko Zarataren Aurkako Ekintza Planaren hasierako planari egindako alegazio-idazkian aurreko planetako helburuak ez direla bete nabarmendu du: ez direla martxan jarri ADIFek hartu beharreko neurriak trenak sortutako zarata arintzeko eta aurreko ekintza-planean jasotako ibilgailuen zirkulazioak eragindako zarataren igoera zuzentzeko ekintzarik eza.
Sagarrak elkarteak azpimarratzen du udalak herritarren interesak zaindu behar dituela udalaz gaindiko instantzien aurrean. Udalbatzak ADIFi, Aldundiari edo dagokionari premiaz aurreikusitako inbertsioak erreklamatzea eta gure udalerrian zarata eta bibrazioak arintzeko beste neurriak hartzea proposaten du Sagarrak taldeak.
Azken hilabeteetan Basaurin biztanleriak jasaten duen zaratak gora egin duela ikusten dugu: RENFEren trenen maiztasunak handitzea, AHTren behin-behineko geralekua eraikitzea San Migelen, salgai-trenen zirkulazio handitzea, L-5/Euskal Trenbide Sarea (ETS) metroaren linea berriaren obrak ...
ADIFek urteak daramatza zaratarako pantaila-instalazioa urratzen. Pantaila horiekin batera, eraikinen fatxaden isolamendua hobetu behar dela uste du Sagarrak taldeak eta, ondorioz, Udalak igogailuak instalatzeko egin duen moduan antzeko dirulaguntzak eman beharko ditu etxebizitzen isolamenduarako.
Trafikotik datorren zaratari dagokionez, ezin dira ulertu Hiri Mugikortasun Jasangarriaren Planean (PMUS) programatutako neurriak eta Bizkotxalde parkea aldatzeko kontratatutako obra, ibilgailu pribatuekin trafiko handiagoa eta aparkaleku gehiago sustatzen baititu. Administrazioak, bere ahalak erabiliz, planarekin koherenteak diren ekintzak planteatu behar ditu eskola-inguruneetan, eta ez trafikoa areagotzea sustatzen dutenak.
Plan honek, talde ekologistaren iritziz, ez du ibilgailuen trafikoa argi eta garbi murriztea nahi. Ez du bizikletaren erabilera sustatzeko bokazio argirik, ez du hiri barruko autobusik planteatzen... Trafikoaren zaratarekin jarraituz, azpimarratzekoa da Aldundia Zabalandi auzoa pantailaratzearen aurka dagoela, eta, hala ere, leihoak aldatzea gomendatzen die auzotarrei.
Laburbilduz, aurkeztutako planak berak adierazten duen bezala, abiapuntuko egoera txarra da, aurreko planeko neurriak gutxi bete ez direlako.
Talde ekologistak plan berri honek Hiri Mugikortasun Jasangarrirako Planarekin (PMUS) bat etorri eta koordinatu behar duela proposatzen du, bien artean dagoen erlazio handiagatik eta baliabide publikoen eraginkortasun- eta efizientzia-irizpideei begira. Aurkeztu den moduan, aurreikusitako epeak ez datoz bat, eta gaineratu nahi dugu 2019tik ez dela zarataren neurketarik egiten Basaurin, eta, beraz, indarrean dagoen mapa zaharkituta egon daitekeela.
Bidegorria ADIFen trenbidetik oso gertu eraikitzearen aurrean, Sagarrak elkarteak bere alegazioetan galdetu du ea zer aurreikuspen dagoen bidegorria erabiliko duten herritarrei babes-akustikoa emateko, merkantzia-trenek 90db baino gehiagoko zarata-maila sorten dutela kontuan izanda.
Azkenik, ekintza-planaren helburuen betetze-maila neurtu nahi baldin bada, zarata-adierazleak dezibeletan hartu behar direla aurretik eta ezarritako neurrien ostean. Hori den hori ezinbestekoa da hartutako neurrien ondorioak baloraziorako.
Azken batean, talde ekologistak adierazi du plan honek ez dituela bere helburuak lortzeko beharrezko ekintzak proposatzen. Koordinaziorik ezak eta neurriak betetzeko borondaterik ezak emaitza negatiboa izango du Basauriko zarata-mailak murriztean. Horren erakusgarri, irudian daukazuen Agirre Lehendakariaren neurketaren grafikoa da.
Argazkia: Zarata Lehendakari Aguirre kalean dezibeliotan neurtua maiatzaren 10etik 11ra bitartean (asteburu batean, trafiko gutxiago dagoenean)
AZKEN ALBISTEAK
-
- Bizikleta-Argazki Rallya. Argazkiak
- 13 Ekaina, 2025
- IV Encuentro Estatal "Tren y Clima 2025"
- 12 Ekaina, 2025