-
29 Urt, 2023
Hitzaldia:
"SARRATU INTERMODALA BAI, BAINA HORRELA EZ" plataformak informazio-hitzaldia antolatu du Loli de Juanekin (Eusko Jaurlaritzako Garraio eta Azpiegituren zuzendaria). Ekitaldia Ibaiganeko Kultur Etxeko Areto Nagusian izango da otsailaren 7an, arratsaldeko 7etatik 9etara.
Basauriko auzo-elkarte guztiek eta Sagarrak talde ekologistak hartzen dute parte "SARRATU INTERMODALA BAI, BAINA HORRELA EZ " sortutako plataforman eta Basauri eta Galdakao metro-linearekin (ospitalea) arrazoizko konexioa aldarrikatzea da elkarte honen xede nagusitariko bat.
Linea berrirako lanak 2023ko udaberrian hasiko dira. Eusko Jaurlaritzak eta Bizkaiko Foru Aldundiak azaroaren amaieran atera zuten lehenengo hiru zatien lizitazioa: Sarratu-Aperribai, Aperribai-Galdakao eta Ospitale-Usansolo.
Lerro berrirako proiektua aurrera doa, baina oraindik ez da argitu nolakoa izango den SARRATUko lotura. Galdakaoko Ospitalea erreferentziazko osasun-zentroa da Nerbioi-Ibaizabal eskualdean bizi diren pertsona guztientzat, eta Basauri da eskualdean biztanle gehien dituen biztanle-gunea. 3. eta 5. lineak konektatzeak, aurreikusita dagoen bezala, erabiltzaile basauritarrak baztertzea esan nahi du, bi transbordo egin beharko baitituzte (Etxebarri eta Sarratu) eta hiru metro hartu haien erreferentziazko ospitalera joateko.
Proiektuaren nondik norakoak eta azken berrikuntzak ezagutzeko, solasaldi hau antolatu da Loli de Juan Basauriko alkate ohiarekin eta, gaur egun, Eusko Jaurlaritzako Garraio eta Azpiegitura zuzendariarekin.
"Plataforma Basauriko alkatearekin (Asier Iragorri) harremanetan jarri da, erantzunik jaso gabe, arazo honi irtenbidea bilatzeko gure Udalak egin dituen kudeaketak azal ditzan. Hitzaldia programatuta dago eta alkatea etortzea espero dugu "-adierazi du plataformako ordezkari batek.
Plataformak 2022ko uztailean eraman zuen gaia osoko bilkurara, 30 elkarte eta 3500 sinaduren babesarekin. Bertan, Gobernu Taldea SARRATUn 2. eta 5. lineak zuzenean konektatzearen alde agertu zen, eta bere aldarrikapena berretsi zuen.
Basauriko elkarte guztiak eta Udalean ordezkaritza duten alderdi politikoak gonbidatu izan dira.
Ekitaldiaren amaieran etorkizunari begira planteatzen diren ekimenei buruz hitz egiteko denbora egongo da.
AZKEN ALBISTEAK
-