Sagarrak-Ekologistak Martxan eta Ingurumen Boluntariotzaren Sareak, "El Kalero" auzo-elkartearekin lankidetzan (Kareaga Auzo Elkartea), beste esku-hartze bat egingo dugu, Basauriko Kareaga auzoa eta Montefuerte parkea lotzen dituen oinezkoentzako bidean landare autoktonoa (zuhaixka) berritzeko.
Bide horren eskuineko aldean babes hesi bat sortzea da ekimenaren helburua. Eguraldi ona bada, esku hartzea martxoaren 1ean egingo da.

Jardueran parte hartzeko beharrezkoa den informazioa honako hau da:
10: 00etan, Basauriko Asturias kalearen amaieran.
Metroz bazatoz, Basauri da geralekua, Bidasoako irteera. (5 min oinez).
Jardunaldia goizez izango da (13:30 inguruan amaituko da).
Komeni da urarekin kantinplora eramatea.
Arropa erosoa, zikindu daitekeena, eta mendiko edo uretako botak.
Beharrezko gainerako materiala guk jarriko dugu.
Lanaldiaren amaieran, aperitibo bat egingo dugu indarrak birjartzeko.

Eskerrik asko izena emateagatik, jardueraren antolaketa errazteko. Izena eman dezakezue ekologia@sagarrak.org helbidean edo 94 4263769 telefonora deituz. Osteguna baino lehen, hilak 27.
Datu hauek behar ditugu: bertaratutako guztien izena, abizena eta adina, jatorrizko auzoa edo udalerria eta
Harremanetarako mugikorraren zenbakia (ezustekoak sortzen badira, horretarako bakarrik erabiliko da).

Adingabeak: helduei zuzenduta dago jardunaldia. Adingabeak heldu bati lagunduta joan daitezke, betiere haren ardurapean. Batzuetan, baldintzak deserosoak gerta daitezke batzuentzat: lokatza, sasiak, azalpenak eman bitartean entzun egin behar da... Gainerakoan, haurrak ongi etorriak dira!

Oharra: izena ematen baduzu, saiatu hitzordura ez huts egiten edo ez bazatoz, jakinarazi egiten.

Animatu eta parte hartu! Zure zain gaude!

Ideia bat egin nahi baduzu, begira nola izan zen 2019ko interbentzioa!

https://www.youtube.com/watch?v=V3dVqw-zcgU&t=48s