Gaur, ekainak 16, berrerabiltzearen beharraz kontzientziatzeko eguna da. Aukera ona plastikoaren erabilerari buruz hausnarketa egiteko eta bere kontsumoa murrizteko. Euskal Herriko 2017ko hondakinen inbentarioaren arabera, ontziak (plastikoa, metalak...) gure zaborraren % 16,24 dira.
Gure erosketaren pisuaren % 11 erabili eta botatzeko plastikoa da. Hondakin horrek ez du tratamendurako inolako aukerarik, eta zabortegietan edo erraustegietan amaitzen da.
Plastikoaren industria ontzi berrerabilgarrien garapena oztopatzen eta gure etxeak hondakinez betetzen ari da. Plastikoa, zalantzarik gabe, ingurumen- eta ekonomia-arazo larria da, eta gure osasunean eragin zuzena du.
Erabili eta botatzeko ontziak murriztea, berrerabiltzeko zirkuituak martxan jartzea eta herritarrei zero hondakin kontsumitzeko ereduak erraztea, adibidez, ontzi propioekin erostera joatea da arazo hori konpontzeko bide bakarra.
Testuinguru horretan, Zero Hondakinen Aliantza osatzen duten GKEen arabera, Espainiako ontziak gaika biltzeko eta birziklatzeko sistema "ez da nahikoa", ekoizpen- eta kontsumo-eredu nagusia lineala baita. Hala, beharrezkoa ez den erabilera bakarreko ontzien ekoizpena "desagerrarazteko" eskatu dio Gobernuari, eta ekoizpen eta kontsumo eredu zirkularretarantz eta zero hondakinerantz trantsizioa bultzatzeko.
Adriana Espinosaren ustez, ("Amigos de la Tierra" taldeko baliabide naturalen eta hondakinen arduraduna): "Etsigarria" da Legebiltzarrean izapidetzen ari den hondakinen lege-proiektuak ez agertzea ez helbururik ez neurri "zehatzik" ontzien erabilera murrizteari eta elikadura-ontziak berrerabiltzeari (edo betetzeari) lehentasuna emateko.
Bestalde, Rosa Garcia Rezeroko bozeramaileak esan du ontzien berrerabilpena bideragarria dela eta ebidentziak dituela, eta adibide gisa jarri du Kataluniako mahastizaintza eta ardogintza sektoreko beirazko botilak berrerabiltzeko reWINE proiektua; izan ere, litekeena da Katalunian bakarrik 100 milioi kilo CO2 baino gehiago aurreztea eta 21.756 tona hondakin saihestea.
Zero Waste Europe Europako 24 herrialdetako 30 erakundek osatutako plataformaren parte da.
Ekologikaz bizi... plastikoa sahiestu.
https://www.ecologistasenaccion.org/172492/un-11-del-peso-de-la-compra-estandar-va-directamente-a-la-basura/
